من قصص الاصدقاء

قفشات من قصص واقعية قصص

وبالليبي

نخش في القصص طوووول بالرغم كان في موضوع هكي موتيته من فترة كنت بنحطه بس مش عارفة كيف حتي قلت

لميوش عليه لقيت روحي درت فرينو قلت لالالا في ناس حتفهم غلط مش ناقصة اني اشعاعات حقد مترامي الاطراف
1

2


3

بنبدا

استعداد


بسم الله الرحمن الرحيم


ميوش متضحكيش اوك
;)


من فترة لاباس بيها شرين او رن تليفون الارضي في توقيت ظهرية واني في عز انسجامي في تلفزيون ومع ماما نهدرز

المهم مشيت زي الفالحة نرد ماصلو مفيش غيري بيرد المهم الو اهلين اتصال صديقة من ايام الدراسة قاعدين نتواصلو

بتليفون بين الفترة وفترة المهم استغربت انها متصلة في توقيت مش من عوايدها تتصل فيه ونبرة صوتها فيها حدة علي ارتباك

علي شئ غريب

المهم

هههه

قتلي توقعي من جاني امس استغربت فقتلها زي مكل الناس تدير الف مبروك بضحكة واخيرا بنفتكو منك

زي ماهي تدير معاي لما نقوللها في خبر جديد تقعد علي هدي النغمة الف مبروك اخيرا قتلي لا ياريت استغربت منها ياريت

قتلها مالا شني

حوش خالتك عمتك حوش جيران عمت بنت عمتكم المهم هي تقولي توقعي توقعي

دهشتني واني نسمي بنت ولد جد عم خال

في الاخير قتلي لالالالا بنت كانت معانا ايام الدراسة الجامعية

اوووووف شنو هدي قوية من تكون زميلة الشباب اللي راح في الدراسة

فولانة اها شن القصة زيارة عابرة ولا في حاجة
قتلي توقعي

قتلها لهني وخلاص لا بنتوقع ولا بنفكر احكي من الالف الي الياء

بدت تحكي

واني كل رد بي مش معقولة
لالالالالالالالا


يا اللهي


مستحيل


استغفر الله

انحرق دمي

وماما كل منرد تقعد تشوف باستغراب وتقولي خير شن في


القصة ومافيها ان زميلتنا الغير عزيزة بفعل القصة هدي طبعا جت لصديقتي باش تساعدها في شني ياتري؟؟؟



تخيلو



اكثر


لالالا مش هذا!!!


باش تعاونها في بحث علي ساحر مشعوذ وبالليبي شيخ كتايب وتعويدات سحرية

اللهم اني اعوذ بك من كل شيطان جني وانسي


توا السؤال علاش؟؟


من حوالي اربع سنوات البنت اتخبلت وحبت ولد الولد باين اتر عليها لين دماغها معاش يجمع ويميز من شهور الولد قال

ستوب ستوب حبيبتي اني بنخطب وكل حد يمشي في سكة تانية

البنت جتها صدمة كهربائية شديدة تلفت باقي الدماغ الموجود

ويا حبة عيني فكرت ببقايا الموجود ومش عارفة كيف كيف توصلت لهدي الفكرة

قالت زي مبهدلني وضحك عليا لازم نفسد عليه حياته ومنخليهش يرتاح يوم في حياته اني يخليني ويمشي يخطب



ياسلاااااااااااااااااام هو انتو وقعتو عقد اتفاق ولا شني ماهو من الاول القصة مش واضحة زي مغامرات مش معروفة نهايتها



السؤال اللي بعده


ليش جت لصديقتي بالتحديد هني توا القصة التانية



صديقتي من فترة الدراسة المسكينة كانت ضحية احد اعمال السحر والعياذ بالله فكانت تتردد علي شيخ معروف بالعلاج

بالقرآن الكريم

يعني بالرقية والامور الشرعية فكانت تقول نمشي للشيخ


زميلتنا فهمت الموضوع غلطططططططط


قتلها لالا اكيد تعرفي شيخ كويس وعادي ندفع اي حاجة

اني اللي خلاني نستغرب ان زمليتنا بنت هادية وفي اخر مرة تلقينا في معرض طرابلس الدولي كانت حجاب كامل يعني من

مظهرها تقول البنت يا عيني ماشاء الله


المهم صديقتي قتلي مخليت مقتلها حرااااااااااام حرااااااااااااام استغفري وادعي وربي يعوضك بخير منه

مش نهاية العالم يا بنتي خلاص انسيه بعدين السحر حرام اثمه كبير حرام عليك

شوفتي شن صارلي من جراير السحر وكيف قعدت نعاني ونتعالج


شئ البنت ولا عقل يفهم ولا يستوعب


ااااااااااااخ وخلاص

لا اللي يضحك قبل متروح قتلها كيف حال ((نسيم))

شنووووووووووووووو


لا نعرف شيوخ ولا غيرهم


قتلي مرات تجيك

قتلها ساهلة من الباب اهلا.. مع السلامة

لست تلك النسيم

معليش الا النماذج هدوووو سوري عرفتها كويسة لكن توا مع تفكير يسار يمين لا

اسفة لست عفريتة هانم



بعد الزيارة المثيرة للاستغراب والسبب المستهجن جملة وتفصيلا

زادت اتصلت وتلح وتلح وتلح مش مبطلة وناوية الشر للولد

مسكينة خطيبته وخلاص

ومش عارفة شن بيصير فيهم



اني قعدت يومين في حالة ذهول

حتي ماما لاحظت الشئ هذا وقتلي هناك شئ ما يدور في فلكك شن القصة؟؟؟


حكيتلها القصة طبعا هي منصدمتش زي لانها قصة بس اني نعرف البنت فكانت القصة بالنسبة ليا صدمة


الله المستعان وخلاص وكل واحد يرد باله من روحه الدنيا تخوف وخلاص


نتلاقو في قصة ثانية وبرضو من الواقع