الوان من الطبيعة1

من منكم زار الخمس وشاف السهول الخضراء نصيحة مكان جميل لاى حد يفكر بزردة عائلية بلحظات تامل للطبيعة لتلك السهول والتلال

ولا الهواء ولا اروع وانقى

رغم انها مكانتش زردة ولا مشوار عائلي ولا ولا
( ف شخص حيقصقص ويموت باش يعرف سر القصة بس لا تحاول ولا تيائس )

الجميل ان التضاريس تركيبة جمالية متكاملة سبحان الله

نخليكم مع صور ع السريع ومن خلال نافدة السيارة اللى تمشي بسرعة للاسف مسعفنيش الحظ نلتقط صور بطريقة اجمل

بس لازم اي حد فيكم يمشي يزودنا بصور اجمل

طول الطريق تشوف نفس المنظر سيارات محملة بالبقر والاغنام والابل كان نصيب هذه البقرة لان السرعة كانت بطئية نوعا ما

سحابة منظرها حلو بس للاسف من خلف الزجاج مكملش المنظر بجماله (( لو فتحت الروشن الريح قوية جدا والجو برررد لذلك قلت ف نفسي حتى من وراه مش مشكلة احسن من بلاش

الوادي منظره مش عادي فى خاطري تمنيت وقفت وشفته بس الله غالب مفيش وقت والمناسبة مش مناسبة يارب فى وقت ثاني ويكون فى جو عائلي مميز

السهول الخضراء على طول الطريق ياربي دوم الخير على بلادنا وبلاد جميع المسلمين

عجبتني واستوقفت تفكيرى هذه اللفتة وبالمناسبة فى الطريق ومش بعيد عليها كانت هناك اثار حادث مؤلم الله اعلم شن صار فى الركاب نسئل الله السلامة للجميع

المكان الرائع النقازة ولا يمكن ننساه اطلالته على البحر ولون رماله والطريق المتعرج ورائحة الصنوبر اجمل مكان لاى تجمع عائلى ترفيهي

بداية اليوم كانت الغيوم مجتمعة فرحة تجمع ثلاثة الوان الابيض الرمادي والاسود والنتيجة زخات خفيفة لا تذكر بس خلت الاجواء اكثر دف وحيوية والاكثر تحس بان الهواء فررررش

وتوا وقت من هنا وهناك ;)
الصورة الاولي لاحباب القطط الاناناس وميوش لانكن تحبو القطط واجد حبيت نوريكن صورة قطوستي

وهدي صورة قطوستي الصغنونة تعرضت لحادث مؤلم غامض ادي لقتلها ولتوا مفهمتش القصة
طبعا بعد الجولة و تصديعت الراس ميخيبش فنجان قهوة عربية وكيك

تفضلوووو ;)





هي ملاحظة من الاناناس ع التدوينة وزي بما معناها شن هالسلاطة مرة خمس ومرة قطوسة وبعدين قهوة فالملاحظة تقول مفروض كان العنوان خلطة نسيم او نسومية
هو الباين ان ارتباطي بالفن التشكيلي والالوان منذ نعومة اظافري اثر عليا فنشوف ف كل شئ ملون وفيه جمال رباني لله ف لله
فكان العنوان الوان من الطبيعة واحد لانها حتكون سلسلة متتالية يا اناناس

وبالنسبة للخلطة حنديرها بس مش توا لين ناخد تصريح كتابى من ؟؟؟؟؟

السيارة الحلم :) حلم ديسمبر و نوفمبر

نصيحة متترددوش فى الافصاح على احلامكم والحديث عنها