كانت لدي ممسحة
أدوسها متى أشاء
كي لا ألوث الاثاث فى بيوتنا
أو فى بيوت الاقرباء
كانت إذا ما دستها (وحين أرص فوقها الحذاء)
تنزُ ماُ آسياٌ
وأستريح, دائما , لما تبديه من خضوع
كنت أباهي بوجودها جميع الاصدقاء
وذات يوم حين دستها
فاجأني صوتٌ كانه توجع مريع
أحسست نبضها يمر فى الحذاء
يهزني .. يصعقني كالكهرباء
كأنني سمعتُ صوتاٌ ..نهدة
مكبوتة البكاء
طأطأت رأسى وانحنيت
كأنني اهم بالركوع
نظرتُ صوب موطئ القدم
فاجأنى نهر من الدموع
1967 من ديوان الظل الاخضر ممدوح عدوان
مش باقى مني غير شوية ضي فى عينايا انا حديهملك وامشي بصبري فى الملكوت يمكن فى نورهم تلمحي خطوة تفرق معاك بين الحياة والموت..... مش باقي مني - أحمد سعد
مش باقى مني غير شوية ضي فى عينايا انا حديهملك وامشي بصبري فى الملكوت يمكن فى نورهم تلمحي خطوة تفرق معاك بين الحياة والموت..... مش باقي مني - أحمد سعد
18 naseem:
جميل اوى اهتمامك بالشعر
دمتى بخير دائما
أنا احب الشعر والشعراء تحياتي لكي
القصيدة كاملة
لجمال بخيت
مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف..
.. خيال الذل..
ف موائد الرحمن..
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
...
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني
غير شوية حب جارحّني
ولا باقي مني
غير شوية ضي ف عينيا
جميل جدا أن نحس بأشياء لا نعيرها أي اهتمام ونشعر بأنينها
اختيار موفق
أرجوا المساهمة في دعم الحملة لو تكرمتم
(حملة الجسد الواحد)
أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!
صورة الشعار .. في مدونتي أعقل مجنونة في الوجود .. ويكتبون فوقها ..
(حملة الجـسد الواحـد)
رابط المدونة
http://dndanh111.blogspot.com/2010/06/blog-post_14.html
جعله الله في ميزان حسانتكم .. آمين
السلام عليكم ورحمة الله
الله ع الاختيار يانسيم
اكيد
والعود احمد
انا باقي مني كثير عشان يلمح معايا حد الفرق في الحياة
يعني هوا لما بقت شوية ضي قاللها تعالي خودي .. قال ايه عشان يقولوا كريم ؟
لكن يبقى لبخيت تلك الروعة التي يصور فيها
ابجديات الحياة لحظة قرب الموت
والولادة في مقبرة
والاستهلال في قبر
والعقيقة لحظة الغُسل
والاذان في الاذن وصلاة الجنازة
ليس الفرق بين الحياة والموتمايراه
لكنه
الفرق بين حياة ولاحياة
الممسحة
والله امرها غريب
بس دا شغلها
تصوري لو انها ثارت ضد ماجبلنا على معرفتها به
وما خصصناه لها
اعرف انها لن تدعني وشأني
سأفكر طويلا قبل ان اطأها
وسأتعلم
كيف يصيغ الناس ممسحات ليسجلوا فيها خيبتهم
اكيد المعنى بطن الشاعر
سعدت بسبر اغواره
مرة اخرى العود احمد
تحياتي
علي
مدونتك رائعة
http://abozaid46.blogspot.com ادعوك لزيارتي
اختيار حلو و صدقا اعتقدت انك انتي من كتبه لاول وهله و هالشي مش غريب على نسيم
ان شاء الله يكون نهارك سعيد
جمعه مباركة
السلام عليكم ورحمة الله وبركاته..
إنتقاء مميز كعادتك
نسومه
....
أنا قرأت تعليقك عند ميمي
مش عارفه السبب إن يفصل النت عند مدونتي
لا أنا حشتكي عليهم هل يعقل نسومه ما تقدر توصل إلى مدونتي
...
طبعا غاليتي ولا يهمك وأنا أدرك أنك متواجده دوما بتعليق أم بدونه...
...
في حفظ الله
السلام عليكم جميعا اسمحو لى ان ارد ع نهار اولا
نهار
يسعد الله اوقاتك
بالنسبة للنت فانا موجودة ف جزر الهاوي النت عندى ضعيف يعني متكتبي كلمتين وتقولى يالله نشر تلقيه فصل
حاليا ياستي علقت عند تلات مدونات ويا تعليق وين مشيت
:)
يعني من الاخير يسد النفس
طبعا جزر الهاواي النت عندهم باحوال
هالفترة ضعيف وثقيل
تحملونا يا جماااااعة
وطبعا الواجب بعون الله فى شهر سبعة نكمله :)
تسلمى على مرورك وتعليقك
تيرز
جميل جدا متابعتك
سيادة الريس
القصيدة فعلا لبخيت
وبصوت احمد سعد يصل الاحساس مضاعف
رهيب سعد حين يغني المواويل ويكون فى قمة الروعة فى الانشاد الديني
اشكرك على نقل القصيدة كاملة
قمة المعاني وقمة الانتماء لوطن قد يكسر فينا شئ ونكسر فيه اشياء اكثر
دندنة
ام الخلود
نعم هناك اشياء كثيرة نعبر عنها ويفترض ان تاخد حيز من تفكيرنا و تعبرينا
اشكر لك هذا المرور وشاشارك بما استطيع
و عليكم السلام استاذ على
الممسحة امرها غريب وعجيب
والاغرب والاعجب امر من يسعون لامتلاكها بين ادرج حياتهم
!!!
شكرا لتواجدك الدائم
محمد عاطف
اهلا ومرحبا بيك وليش لا بكل سرور حنمر
كن دائما هنا وان لم يكن دائما فسنسعد بمرورك المتقطع
:)
ميمي
وجمعتك مباركة يارب
اووووو اني بنكتب زي عدوان ربي يكرمك ياستي
نهار
الباين النت تحشم !!
ديمة تعالى علقى بعد تعليقك الامور تغيرت سبحااااااااااان الله
الحمدلله يا نسومه
الله يديم تواصلنا على خير وفي مايحبه ويرضاه
وإني أحبكِ في الله
عايزين الولايات المتحدة الإسلامية تقوم لازم نودود لبعضنا عشان تقوم ..
ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)
لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.
رائعا جدا
بالتوفيق
مدونة يحدث فقط فى ليبيا
Post a Comment